Bu haqda klub matbuot xizmati rahbari Umar at-Tamimiy Ultra Iraq nashriga ma'lum qildi.
“Jamoamiz bugungi “Paxtakor”ga qarshi uchrashuvga tayyor. Tarkibimizda jiddiy yo'qotishlar yo'q. Faqat argentinalik Tomas Andrade o'yinda ishtirok eta olmaydi. U jarohatidan tiklanish jarayonini davom ettirmoqda.
Jamoamiz “Paxtakor”ga qarshi Osiyo Chempionlar ligasi doirasidagi uchrashuvda ijobiy natija qayd etishga umid qilmoqda”, - dedi at-Tamimiy.
Ma'lumot uchun, “Paxtakor” va “Eyr Fors” o'rtasidagi Osiyo Chempionlar ligasi Elit turniri 3-tur uchrashuvi bugun, 26 oktyabr kuni bo'lib o'tadi.
