"O'ylashimcha, biz yaratgan va boy berilgan vaziyatlar sonini hisobga olsak, bu o'yinda ko'prog'iga loyiq edik. Endi o'yinni biroz tahlil qilishimiz kerak. Biz raqib jarima maydonchasida juda ko'p vaqt o'tkazdik, bazida maydonning so'nggi uchinchi qismida aniqroq harakat qilish va gol urishga harakat qilish kerak. Biz mag'lub bo'ldik, chunki, ehtimol, raqib jarima maydonchasida etarlicha samarali harakat qila olmadik.
Biz muvozanatni topishimiz kerak. Ushbu stadionda mezbonlarning bir-ikkita xavfli hujumini o'tkazib yubormaslikning iloji yo'q. Ikkinchi bo'limda men o'tkazib yuborgan golimiz bo'lgan epizoddan tashqari darvoza tomon boshqa birorta ham zarba yoki golli vaziyatni eslay olmayman. Bunday narsa xato sababli sodir bo'ladi. Ikkinchi gol qarshi hujum natijasida urildi, 45 daqiqa ichida buni to'liq oldini olish juda murakkab. Ammo biz ushbu uchrashuvdan saboq olamiz, oldinga intilamiz va yanada kuchliroq bo'lishga harakat qilamiz", - deydi Mareskaning so'zlarini "shaharliklar" rasmiy sayti.
