Avvalroq Tebas "Real Madrid" televideniesi va klubning kommunikaciya strategiyasini fashistlar Germaniyasining tashviqot usullariga (Gyobbelsning propaganda mexanizmiga) qiyoslagan edi.
Ispaniya Sport oliy kengashi (CSD) Tebasni egallab turgan lavozimidan chetlatish imkoniyatini ko'rib chiqmoqda. CSD rahbariyati ushbu bayonotdan so'ng Tebasga nisbatan rasmiy surishtiruv ishini boshlash yoki boshlamaslik masalasini hal qilmoqda va deporti boshqaruvi ishni huquqiy bo'limga topshirgan. Jarayon keyingi bosqichga o'tishi uchun Ichki sport tribunaliga (TAD) rasmiy shikoyat arizasi kiritilishi talab etiladi. Aynan TAD Xaver Tebasning La Liga rahbarligidagi kelajagi bo'yicha yakuniy qarorni qabul qiladi.
Eslatib o'tamiz, "Qirollik klubi" avvalroq rasmiy bayonot berib, La Liga prezidenti tomonidan bunday qiyoslashlar mutlaqo qabul qilinib bo'lmasligini takidlagan va Tebasning iste'fosini talab qilgan edi. Tebas esa La Liganing 9-turidan o'rin olgan "Sevilya"ga qarshi o'yinda (4:1) "Santyago Bernabeu" tribunalarida muxlislar tomonidan uning familiyasi yozilgan banner osilgach, "Real Madrid"ni jamoatchilik fikrini manipulyaciya qilishda ayblagan edi.
