"Derbi o'z nomi bilan derbi. "Paxtakor" - "Bunyodkor" qarama-qarshiligi doim qiyin o'yin bo'lib kelgan. Bunday o'yinlarda tarkib va boshqa omillar ahamiyatini yo'qotadi. Hamma bor kuchi bilan kurashadi. O'z imkoniyatidan unumli foydalangan jamoa g'alaba qozonadi", - deydi Bo'riev.
- "Paxtakor" ketma-ket 3 ta o'yindan beri gol urgach, hisobni ushlab qolish uchun o'ynamoqda. Bu ko'proq nima bilan bog'liq: jismoniy yoki ruhiy omilmi?
- O'yin dinamikasiga, havo haroratiga bog'liq. Raqib ham qarab turmaydi, hisobdan kelib chiqib hujumga o'tadi. Orqa chiziqda ehtiyotkorlikni saqlagan holda qarshi hujumlarga chiqyapmiz, faqat ikkinchi gol yetishmayapti.
- Raqibdagi muammolar fonida ustunlik "Paxtakor" tomonida bo'ldimi?
- "Paxtakor"ga qarshi hamma ikki karra kuch bilan tayyorlanadi. Derbida bu kabi omillar katta rol o'ynamaydi.
