Gabriel Moskardo «PSJ»dan «Espanyol»ga o‘tdi.
Ispaniya klubi 20 yoshli tayanch yarim himoyachisini mavsum oxirigacha ijara asosida qo‘shib olganini e’lon qildi.
Bu «PSJ» tomonidan 2024 yilning yanvarida «Korintians»dan 20+2 million yevro evaziga sotib olingan braziliyalik futbolchi uchun ketma-ket uchinchi ijara hisoblanadi.
Moskardo 2024/25 yilgi mavsumni «Reyms»da, 2025/26 yilgi mavsumni esa «Braga»da o‘tkazdi. Futbolchi «PSJ»ga o‘tganidan buyon parijliklar safida birorta ham rasmiy o‘yinda maydonga tushmagan.
