Bunga AQSH terma jamoasi hujumchisi Folarin Balogun bilan bog'liq vaziyat sabab bo'ldi - u Bosniya va Gertsegovinaga qarshi uchrashuvda to'g'ridan-to'g'ri qizil kartochka olgandi.
Dastlab futbolchi turnirning keyingi bahsi uchun diskvalifikaciya qilingandi. Biroq keyinchalik FIFA tartib-intizom qo'mitasi jazoni bekor qilib, amerikalik hujumchiga Belgiyaga qarshi maydonga tushishga ruxsat berdi.
Ushbu qaror, ayniqsa, AQSH prezidenti Donald Trampning bayonotidan keyin keng ko'lamli muhokamalarga sabab bo'ldi. Amerika yetakchisi FIFA prezidenti Janni Infantinoga vaziyatni qayta ko'rib chiqish iltimosi bilan shaxsan murojaat qilganini tan oldi. Shu bilan birga, Infantinoning o'zi intizomiy qaror qabul qilinishida ishtirok etganini rad etdi.
FIFA Kengashi avtomatik bir o'yinlik chetlatishlarni bekor qilish imkoniyatini cheklashga qaratilgan tashabbusni ko'rib chiqish niyatida. Kutilishicha, bu o'zgarishlar kelajakdagi xalqaro musobaqalarda shunga o'xshash holatlarning takrorlanishiga yo'l qo'ymaydi.
Yakuniy qaror hozircha qabul qilinmagan.
