Ushbu noxush vaziyatdan so'ng, "Kattaqo'rg'on" jamoasi bosh murabbiyi Ilyos Zeytullaev tribunaga yig'ilgan ishqibozlar qarshisiga chiqib, o'zining samimiy murojaatini yo'lladi:
"Stadionga kelgan barcha muxlislarimizga - yosh bolalar va yoshi ulug' insonlarga katta rahmat aytaman. Bosh murabbiy sifatida bugun yuz bergan tashkiliy muammo uchun mas'uliyatni o'z zimmamga olaman va barchangizdan uzr so'rayman.
Keyingi safar bunday holat qaytarilmasligiga vada beramiz. Bugungi kun biz uchun katta saboq bo'ldi. Biz intizomli va o'z o'rniga ega jamoa barpo etishda davom etamiz. Sizlarning qo'llab-quvvatlovingiz bilan barchasini uddalaymiz va klub shani uchun oxirigacha kurashamiz!" - dedi jamoa ustozi.
