Xorvatiya milliy terma jamoasi bosh murabbiyi Slaven Bilich Millatlar ligasining 3-turida Angliya termasiga qarshi kechgan uchrashuvdagi sharmandali mag'lubiyatdan so'ng o'z fikrlari bilan o'rtoqlashdi. Eslatib o'tamiz, xorvatlar o'z tarixidagi eng yirik - 0:7 hisobidagi qaqshatqich mag'lubiyatni tan olishga majbur bo'lishdi.
"Stadiondagi tribunadan o'rin olgan muxlislardan, yosh bolalardan va barcha xorvatiyalik futbol ishqibozlaridan uzr so'rayman, biroq ishonavering, bu mag'lubiyat hammadan ko'ra bizga og'irroq botdi. Bunday holat yuz berishini aslo rejalashtirmagandik. Biz raqibga hech bir jabhada - na tajovuzkorlikda, na texnikada, na jismoniy tayyorgarlikda raqobat tug'dira olmadik. Shundan so'ng o'ziga bo'lgan ishonch, konsentratsiya va iroda pasayib ketdi va barchasi rejadagidek kyetmadi", - deya Bilichning so'zlarini keltiradi Dalmatinski Portal.
