Yangi mavsum tayyorgarligi doirasida Qarshi davlat universitetining "Lochin" hamda Buxoro davlat universitetining "BuxDU" jamoalari o'rtasida o'rtoqlik uchrashuvi bo'lib o'tdi.
"BuxDU" stadionida o'tkazilgan mazkur bahsda Qarshining "Lochin" klubi futbolchilari ustunlik qilib, 4:2 hisobidagi ishonchli g'alabani qo'lga kiritdi.
Mazkur jamoalarning har ikkisi ham yangi mavsumda Pro ligada ishtirok etadi. Musobaqaning 1-tur bahslarida "Lochin" jamoasi safarda "TerDU"ga qarshi maydonga tushsa, "BuxDU" klubi "G'azalkent" jamoasi mehmoni bo'ladi.
