"Ўйин ҳақида нима ҳам дердим, оғир учрашув ўтказдик. Футболчиларга хоҳиш ва иштиёқ учун миннатдорчилик билдираман. Турнир жадвалидаги ҳолатимиз ҳавас қиладиган даражада эмас. Суперлигада қолиш учун охиригача курашамиз. Имкон борича кўпроқ очко жамғаришимиз керак.
Жасур Ҳасановда жароҳат бор эди. Зафар Сафоев ўйинга тайёр эди. Лекин, ҳозирча Сардор Қобулжоновнинг ўйини яхши чиқяпти.
Таркибимиздаги ёш футболчиларга ишонч билдиряпмиз. Биз учун ортга йўл йўқ. Шу сабабли йигитлар курашишмоқда. Имкон борича интилишяпти, ҳаракат қилишяпти, юклатилган вазифани бажаришяпти. Суперлигада қолиш вазифасини уддалашга ҳаракат қиламиз",- дейди мутахассис.
