29 oktyabrga o‘tar kechasi MLS doirasida «Inter Mayami» o‘z maydonida «Sinsinnati»ni qabul qildi. Mayamidan o‘rin olgan «Nu Stedium» arenasida kechgan uchrashuv 2:2 hisobidagi durang bilan yakunlandi.
Uchrashuvda mezbonlar safida urugvaylik hujumchi Luis Suares va braziliyalik Rikelme Filipe gol urdi. Suaresga «Inter Mayami»ning braziliyalik yarim himoyachisi Kazemiro golli uzatma bergan bo‘lsa, Filipening goliga argentinalik yarim himoyachi Rodrigo De Paul assistentlik qildi.
Argentinalik hujumchi Lionel Messi maydonga asosiy tarkibda tushdi, biroq uchrashuvda gol yoki golli uzatma bilan ajralib tura olmadi.
Mehmonlar safida ganalik Semuel Jidi va fransiyalik Kenji Mboma Dem gol muallifi bo‘ldi.
MLS.
«Inter Mayami» — «Sinsinnati» — 2:2
Gollar: Suares, 61 (1:0), Mboma Dem, 80 (1:1), Jidi, 86 (1:2), Filipe, 90 (2:2).
Keyingi uchrashuvda «Inter Mayami» 2 noyabr kuni safarda «Nyu-Inglend Revolyushn»ga qarshi maydonga tushadi. «Sinsinnati» esa 31 oktyabr kuni «Filadelfiya Yunion» bilan o‘ynaydi.
