«Barselona» prezidenti Joan Laporta «Oltin to‘p» mukofoti uchun ovoz berish natijalari e’lon qilinganidan so‘ng o‘z fikrlarini bildirdi.
Mukofot sohibi «Bavariya» hujumchisi Harri Keyn bo‘ldi. Kataloniya klubi vingeri Lamin Yamal esa uchinchi o‘rinni egalladi. Undan oldin Madridning «Real» klubi hujumchisi Kilian Mbappe joylashdi.
«Lamin “Oltin to‘p”ni qo‘lga kiritishga yetarlicha munosib ekanini ko‘rsatdi, ammo, afsuski, bu sodir bo‘lmadi», — deya Laportaning so‘zlarini keltiradi BarcaTimes nashri.
Eslatib o‘tamiz, Laporta 19 yoshli yulduz futbolchining nomzodini faol qo‘llab-quvvatlagan edi.
O‘tgan yili ham Lamin Yamal «Oltin to‘p» uchun ovoz berishda ikkinchi o‘rinni egallagan. O‘shanda undan o‘zib ketgan futbolchi «PSJ» hujumchisi Usmon Dembele bo‘lgan edi.
