"Islom jarohati sabab bir oy muddatga safdan chiqqandi, endi o'zini tiklab o'yinlarga qaytyapti. Biz futbolchilarga 15-20 daqiqa berib sekin-asta qo'shib boramiz. Keyinroq vaqti kelganda asosiy tarkibda tushadi. Uning hozirgi holati yuz foiz yaxshi emas, 20-25 daqiqaga kuchi etadi. Oldinda mavsum uzoq, o'ylaymanki, Kenjaboev o'z gollari bilan muxlislarni hali xursand qiladi", dedi Rustamov.
Eslatib o'tamiz, "Qizilqum" vingeri oxirgi marta mart oyida asosiy tarkibda maydonga tushgandi. Aprel oyini esa jarohati sababli maydon tashqarisida o'tkazdi.
