Qirg'iziston chempionatining dastlabki turlarida jamoa turlicha natijalar qayd etdi. Xususan, 1-tur bahsida "Aziya" kutilmaganda "Talant" klubiga 1:4 hisobida imkoniyatni boy bergandi (klub tarixidagi ilk rasmiy golga Nikolay Agapov mualliflik qildi). Shundan so'ng, "Aldier" jamoasiga qarshi bahsda 1:1 hisobidagi durang qayd etildi.
Keyingi turlarga kelib esa "Aziya" o'z natijalarini sezilarli darajada yaxshilashga muvaffaq bo'ldi. Dastlab, Qirg'iziston futbolining yetakchilaridan biri hisoblangan "Dordoy" jamoasi 3:1 hisobida mag'lubiyatga uchratildi.
5 aprel kuni bo'lib o'tgan navbatdagi tur uchrashuvida Shackix shogirdlari safarda O'shning "Alay" jamoasi ustidan ham 3:1 hisobidagi ishonchli g'alabani qo'lga kiritishdi.
