Eslatib o'tamiz, yaqindagina ispaniyalik mutaxassis mavsum yakunida "Manchester Siti" klubini tark etishi ma'lum bo'lgan edi.
"Menimcha, u ingliz futboliga yangi havo olib kirdi. Pep - shunchaki dahshatli mutaxassis va u ingliz futboli qiyofasini butunlay o'zgartirib yubordi. So'nggi 10-15 yil ichida Angliyaga xorijlik futbolchilar va murabbiylar juda ko'p kelishdi. Ammo aynan Gvardiola kelib, butun futbol piramidasini, hatto havaskorlar futbolini ham o'zgartira oldi.
U ingliz futbolining har bir jabhasiga ta’sir o'tkazdi. Odamlar to'pni o'z darvozasi oldidan boshlab o'yinga kiritishni o'rganishdi, hozir bolalar jamoalarida ham himoyadan qisqa paslar orqali hujumga chiqishmoqda", - dedi Angliya milliy terma jamoasi sobiq hujumchisi.
